Guida al dizionari lombard

Informazion generai

El dizionari lombard el quatta tutt el domini lenguistegh de la lombardofonia, 'na zona che la va circa del Piemont oriental (Noara e Ossola) al Trentin occidental (Leder), limitada a Nord del Canton Tesin e a Sud, circa, del Po.

El dizionari el dopera la grafia classega milanesa, 'na grafia che la gh'ha i sò fondament in di liber milanes pussee antigh, 'me el Varon Milanes, e doperada, cont di variazion de pocch cunt, per tucc i dialett de la lengua lombarda finna a pocch agn dopo de l'Unità d'Italia.
Degià che la grafia classega a l'è minga normada in la soa totalità el dizionari el se darà i sò standard per permett on scriv nettaa e coerent.

Cerca 'na parolla

A l'è proppi fazil cercà 'na parolla cont el dizionari lombard: L'è assee mettèla in la casella de ricerca in su la home page per ottegnì la lista di risultaa.
Se se schiscia in sul numer arent a la parolla la se dervirà 'na scheda cont pussee informazion tant 'me i sinonim, i variazion e la traduzion in italian.

Dopera i API

I API a hinn ancamò in desvilupp, donca se pòden doperà no.